బాక్సాఫీస్'దొంగ నా కొడుకు' ఫస్ట్ వీకెండ్: 3 రోజుల్లో రూ.10.15 కోట్ల గ్రాస్, ప్రాఫిట్ జోన్లోకి
'దొంగ నా కొడుకు' (DNK) మొదటి మూడు రోజుల్లో ప్రపంచవ్యాప్తంగా రూ.10.15 కోట్లకు పైగా గ్రాస్ వసూలు చేసి లాభాల్లోకి వచ్చిందని మైత్రీ మూవీ మేకర్స్ ప్రకటించింది.
మౌళి హీరోగా నటించిన 'దొంగ నా కొడుకు' (DNK) బాక్సాఫీస్ వద్ద మంచి ఫస్ట్ వీకెండ్ నమోదు చేసింది. మొదటి మూడు రోజుల్లో ఈ సినిమా ప్రపంచవ్యాప్తంగా రూ.10.15 కోట్లకు పైగా గ్రాస్ వసూలు చేసిందని నిర్మాణ సంస్థ మైత్రీ మూవీ మేకర్స్ అధికారికంగా ప్రకటించింది.
ఈ కలెక్షన్లతో సినిమా ప్రాఫిట్ జోన్లోకి అడుగుపెట్టిందని మేకర్స్ తెలిపారు. 'సెన్సేషనల్ ఫస్ట్ వీకెండ్' అంటూ మైత్రీ తమ X ఖాతాలో కొత్త పోస్టర్ను పంచుకుంది.
రాబరీ, క్రైమ్, కామెడీ కలగలిసిన ఈ సినిమాకు శ్రీను కంబాల దర్శకత్వం వహించారు. నవీన్ యెర్నేని, వై. రవిశంకర్ నిర్మాతలు. సినిమా ప్రస్తుతం థియేటర్లలో ప్రదర్శితమవుతోంది.
మొదటి వారాంతంలోనే లాభాల్లోకి వచ్చిన ఈ కామెడీ ఎంటర్టైనర్ రెండో వారంలో ఎలాంటి కలెక్షన్లు రాబడుతుందో చూడాలి.
ఈ వార్తలో
అప్డేట్ చేసింది: 16, నవం 2026 • 9:28 PM


